Анамальная спёка ў Еўропе: рыбу перасяляюць у халаднейшыя азёры, дрэвы паліваюць вадамётами

Ва ўсёй Еўропе рыхтуюцца да рэкорднай спёкі. На гэтых выходных у Іспаніі і Партугаліі прагназуецца тэмпэратура вышэйшая за 47 градусаў цяпла — паведамляе Радыё Свабода.

1. Праз расталы ляднік у Швецыі зменшылася самая высокая гара краіны

Праз анамальную спёку на 4 метры зменшылася найвышэйшая кропка Швецыі. Гара Кебнекайсэ месціцца ў 150 км на поўнач ад палярнага круга. Да апошніх дзён яна была найвышэйшай кропкай краіны і ўсёй Лапландыі.

Толькі за ліпень 2018 года праз расталы ляднік вяршыні Кебнекайсэ зменшылася на 4 метры: з 2101 метра да 2097.

2. Швейцарцы ратуюць рыбу са спякотных азёраў

Некалькі швейцарскіх кантонаў пачалі аперацыю па ратаванні рыбы. Калі темпэратура вады ўзнімаецца вышэй за 27 градусаў, рыбы пачынаюць задыхацца. Тэмпература Бодэнскага возера, напрыклад, на мінулым тыдні паднялася да 25 градусаў.

У некаторых месцах кіраўнікі рыбалоўстваў змаглі сабраць уразлівыя віды рыбы і перамясціць іх у халаднейшыя месцы. Аднак гэта немагчыма зрабіць у Бодэнскім возеры (ягоная плошча складае больш за 500 квадратных кілямэтраў — РС).

3. У Бэльгіі баяцца, што скончыцца брусэльская капуста

Бельгійскія фермеры занепакоеныя: у іх можа быць неўраджай улюбёнай у краіне гародніны. Таксама пад пагрозай і бульба. Пасля неймаверна халоднай зімы і звыш гарачага лета клубні бульбы сёлета будзе менш, чым звычайна.

У заапарку La Palmyre на поўдні Францыі пажадлівыя жывёлы атрымліваюць асалоду ад марозіва з крыві і кавалачкаў мяса, перадае францускі сайт Libération. А для траваедных тут робяць фруктовыя міксы.

У лонданскім заапарку гарылам даюць марозіва з нуту, лясных арэхаў і фруктаў без цукру.

5. Таксычныя водарасці ў Балтыцы. Небяспека для турыстаў і ўдача для навукоўцаў

Таксычныя водарасці збянтэжылі турыстаў, што прыехалі адпачываць на Балтыйскае мора ў Польшчы. Цяпер плаванне ў моры пад забаронай на ўсіх берагах Балтыкі.

У Польшчы, Літве і Швецыі папярэджваюць, каб людзі лепш заставаліся на беразе і не ішлі ў ваду.

6. Вадамёты ў гарадскіх парках... паліваюць дрэвы

У Нямеччыне знайшлі новае прымяненне для паліцэйскіх вадамётаў. У горадзе Бохум вадамётамі зараз паліваюць дрэвы.

Таксама ў Бэрліне, Гамбургу і іншых гарадах па ўсёй краіне вадамёты ездзяць па гарадскіх парках. У тым ліку насупраць офісу Ангелы Мэркель.

Цяпер паліцэйскія розных гарадоў кідаюць выклік адзін аднаму. На мінулым тыдні Берлінская паліцыя заклікала сваіх калегаў у Франкфурце, Мюнхэне і аўстрыйскай Вэне далучыцца да вадамётнага «чэленджу».

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: