Ангела Меркель зноў абраная канцлерам Германіі

Бундэстаг ФРГ зноў выбраў Ангелу Меркель на пасаду федэральнага канцлера. Яна ўзначаліць урад Германіі чацвёрты тэрмін запар.

Ангела Меркель у асяроддзі дэпутатаў бундэстага

Ангела Меркель выбрана ў сераду, 14 сакавіка, парламентам Германіі на пасаду федэральнага канцлера ФРГ на чацвёрты тэрмін запар. Кандыдатуру старшыні Хрысціянска-дэмакратычнага саюза (ХДС) падтрымалі 364 дэпутата бундэстага. "Супраць" прагаласавалі 315 парламентарыяў, яшчэ 9 чалавек устрымаліся.

У гэты ж дзень Меркель атрымае з рук федэральнага прэзідэнта Франка-Вальтэра Штайнмаера грамату аб прызначэнні на пасаду канцлера. Затым кіраўніка новага ўрада прывядуць да прысягі перад дэпутатамі бундэстага і чальцамі бундэсрата. Услед за гэтым граматы аб прызначэнні ад прэзідэнта атрымаюць чальцы кабінета міністраў, якія потым таксама прынясуць прысягу. У другой палове дня ў сераду адбудзецца першае пасяджанне ўрада.

Самы працяглы працэс фарміравання ўрада

На гэтым самы доўгі ў гісторыі ФРГ працэс фарміравання новага ўрада, які доўжыўся 171 дзень, завершыцца. У кабінет міністраў увайшлі прадстаўнікі Хрысціянска-дэмакратычнага саюза (ХДС), Хрысціянска-сацыяльнага саюза (ХСС) і Сацыял-дэмакратычнай партыі Германіі (СДПГ).

Выбары ў бундэстаг ФРГ адбыліся 24 верасня 2017 года. Па іх выніках блок ХДС / ХСС атрымаў 33% галасоў, СДПГ — 20,5%, Левая партыя — 9,2%, "Саюз-90 / Зялёныя" — 8,9%, Свабодная дэмакратычная партыя (СДП) — 10,7 %, правапопулісцкая "Альтэрнатыва для Германіі" (АДГ) — 12,6%.

Паводле www.dw.com


Хочаце ведаць больш? Сачыце за нашымі публікацыямі ў Telegram і Facebook!

Каментаваць