Антыкарупцыйнае бюро Украіны завяло крымінальную справу супраць Парашэнкі і Клімкіна

Нацыянальнае антыкарупцыйнае бюро адкрыла крымінальную вытворчасць па факце магчымых злоўжыванняў службовым становішчам экс-міністрам замежных спраў Украіны Паўлам Клімкіным і экс-прэзідэнтам Пятром Парашэнкам.
Клімкін і Парашэнка. Фота glavkom.ua

Клімкін і Парашэнка. Фота glavkom.ua

Пра гэта гаворыцца ў адказе НАБУ на запыт Українських Новин.

Справа адкрыта 23 жніўня, то бок, за дзень да Дня Незалежнасці Украіны.

Крымінальная вытворчасць зарэгістравана па рашэнні суда, які абавязаў НАБУ пачаць расследаванне.

Расследаванне пачата па арт. 364 (злоўжыванне ўладай або службовым становішчам) Крымінальнага кодэкса.

Раней паведамлялася, што Дзяржаўнае бюро расследаванняў Украіны ў верасні выклікала Парашэнку на допыт 4 разы. Аднак 6 верасня былы прэзідэнт на допыт не з'явіўся.

3 верасня таксама павінен быў адбыцца допыт Парашэнкі ў Дзяржюро расследаванняў, аднак ён быў перанесены.

Акрамя таго, 12 жніўня дырэктар бюро Раман Труба заявіў, што дапускае допыт Пятра Парашэнкі на паліграфе. Пасля чаго Пячэрскі раённы суд дазволіў допыт Парашэнкі з дэтэктарам хлусні.

Таксама 12 жніўня Дзяржаўнае бюро расследаванняў дапытала Парашэнку як сведку па справе аб магчымым ўхіленні ад выплаты падаткаў пры куплі тэлеканала «Прамы».



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!