Авакаў: Наземная агрэсія супраць Украіны стане для Расіі катастрофай

Міністр унутраных спраў Украіны Арсен Авакаў спадзяецца, што Расія не пойдзе на наземную агрэсію і ваеннае становішча ва Украіне скончыцца да новага года.

 

Пра гэта ён сказаў 17 снежня падчас наведвання Данецка-Луганскага рэгіянальнага ўпраўлення Дзяржаўнай памежнай службы, паведамляе прэс-служба ўкраінскага МУС.

"Мы знаходзімся ў сітуацыі ваеннага становішча, у чаканні, ці будуць працягвацца агрэсіўныя дзеянні з боку Расіі. Для нас вельмі важна быць гатовымі да любых агрэсіўных дзеянняў, якія могуць быць з боку праціўніка", — сказаў Авакаў.

У той жа час міністр запэўніў, што ўкраінскія сілавікі гатовыя да выклікаў.

"Калі праціўнік зробіць наземную агрэсію ў дачыненні да Украіны, ваеннае становішча будзе працягнутае, мы мабілізуем усе сілы. Для Украіны гэта будзе вельмі складаны выклік, але для пуцінскай Расіі гэта будзе катастрофай. Мы гатовыя да такіх выклікам ў поўным аб'ёме", — сказаў Авакаў.

У той жа час, кіраўнік МУС выказаў надзею, што наземнай агрэсіі супраць Украіны з боку Расіі не адбудзецца:

"Я вельмі спадзяюся, што гэтага не адбудзецца, ваеннае становішча завершыцца да новага года, і намаганнямі дыпламатаў мы вернем акупаваныя тэрыторыі".

Украінскі міністр падкрэсліў, што апошнія пяць гадоў і памежнікі, і Нацгвардыя, і паліцыя, і ДСНС увесь час у напружанні.

Міністр замежных спраў Расіі Сяргей Лаўроў запэўніваў, што Расія не будзе весці вайну з Украінай. І ў той жа час Расія ўжо сцвярджае, нібы Украіна рыхтуе правакацыі на мяжы РФ. А сёння, 17 снежня, Лаўроў заявіў, што Украіна рыхтуе правакацыю на мяжы з Крымам, і адказ на гэта "мало не покажеться".

Нагадаем, што ваеннае становішча ва Украіне было ўведзена з 26 лістапада па 26 снежня ў 10 абласцях пасля канфлікту ў Керчанскім праліве.

Пры гэтым дату выбараў прэзідэнта Вярхоўная Рада замацавала на 31 сакавіка 2019 года, каб ваеннае становішча, нават у выпадку яго працягу, не давала падстаў іх перанесці.

www.pravda.com.ua


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: