Азербайджан заявіў пра больш за дзве тысячы забітых і параненых армян. Ерэван адказаў, што гэта страты Баку за суткі

Страты армянскага боку ў Нагорным Карабаху з моманту аднаўлення канфлікту складаюць да 2300 забітых і параненых, абвясціла раніцай 30 верасня Мінабароны Азербайджана.

У ведамстве сцвярджаюць, што таксама знішчылі каля 130 армянскіх танкаў і іншай бронетэхнікі, больш за 200 артылерыйскіх установак, каля 25 сістэм супрацьпаветранай абароны, шэсць камандных пунктаў кіравання і пяць складоў боепрыпасаў.

Армянскі бок не пацвярджае гэтыя звесткі. Прэс-сакратар Мінабароны Арменіі Шушан Сцепанян напісала ў фэйсбуку, што азербайджанскія вайскоўцы прыпісваюць армянскім ўласныя страты за апошнія суткі.

У непрызнанай Нагорна-Карабахскай Рэспубліцы заявілі, што з армянскага боку ў баях загінуў 81 чалавек, раненні атрымалі 120 вайскоўцаў.

Паводле звестак Ерэвана, з пачатку баявых дзеянняў Баку страціў забітымі 790 вайскоўцаў і 1,9 тысячы параненымі. Таксама знішчаныя 137 азербайджанскіх танка, 72 беспілотнікі, сем верталётаў і адзін самалёт Ан-2.

Азербайджанскі бок звестак аб сваіх стратах не даваў.

Ваенны канфлікт паміж Арменіяй і Азербайджанам у Нагорным Карабаху аднавіўся раніцай 27 верасня — абодва бакі абвінавацілі адзін аднаго ў правакацыях і пачатку наступу па лініі судакранання. Баі ў рэгіёне працягваюцца чацвёртыя суткі. У сувязі з абвастрэннем канфлікту ў абедзвюх краінах уведзена ваеннае становішча.


Паводле meduza.io

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: