На першым канцэрце прысутнічаў сам кандыдат Дмытро Танцюра і ён распавёў, што выступ "Песняроў" абышоўся яму ў 50 тысяч грыўняў (гэта прыкладна 4 тысячы беларускіх рублёў). Кандыдат ідзе на выбары шляхам самавылучэння, але з'яўляецца сябрам партыі "Давярай справам", гэтак званай "партыі мэраў". Танцюра не ўважае канцэрт подкупам выбаршчыкаў.
Колькі заплацілі за ўдзел "Песняроў" у другім канцэрце, дзе давялося выступаць за Чэкіту, не ўдакладняецца.
Лідар беларускага гурту Вадзім Касенка заявіў, што не ўяўляе, якім чынам вырашалася гэтае пытанне. Ён сказаў, што яго справа — проста выступіць і ўсе пытанні параіў задаваць дырэктару.
