Беларусы свету выказалі недавер Уладзіміру Макею

Беларусы, якія пражываюць у 840 гарадах і 62 краінах свету, падпісалі вотум недаверу да Міністра замежных спраў Рэспублікі Беларусь, старшыні Кансультатыўнага савета па справах беларусаў замежжа пры МЗС Беларусі Уладзіміру Макею.


Зварот быў створаны 17 кастрычніка 2020 года з ініцыятывы беларусаў Канады, ініцыятывы беларусаў Таронта «Васількі» (Vasilki Initiative of Belarusians in Toronto, Canada), ініцыятывай беларусаў замежжа, арганізатарамі Сусветнага Кангрэса Беларусаў.

Як адзначаецца ў паведамленні дыяспары, гэты зварот быў створаны як адказ на гвалт, рэпрэсіі, катаванні і тэрор, якія ўжываюцца да мірных грамадзян Беларусі, ізаляцыю Беларусі і ўзвядзенне новай «жалезнай заслоны», пазбаўленне беларусаў правоў чалавека.

«Мы заяўляем, што ў сітуацыі склаўшагася ўнутрыпалітычнага крызісу і нежадання афіцыйных уладаў весці дыялог з беларускім народам, уключаючы беларусаў замежжа, забеспячэнне салідарнасці беларусаў ва ўсім свеце і захаванне нашай нацыянальна-культурнай і дэнтычнасці адбываецца выключна сіламі саміх беларусаў замежжа, хутчэй насуперак дзеянням альбо бяздзейнасці афіцыйных беларускіх уладаў на ўсіх узроўнях, у тым ліку Міністэрства замежных спраў і Кансультатыўны савет па справах беларусаў замежжа. Пры гэтым, за ўсе гады працы Кансультатыўнага савета пад эгідай Міністэрства замежных спраў афіцыйнымі ўладамі Беларусі не была выкананая і малая частка працы, праведзенай і ніцыятыўнымі групамі, грамадзянскімі аб'яднаннямі і грамадскімі арганізацыямі беларусаў замежжа за апошнія некалькі месяцаў.

Мы, беларусы замежжа, таксама выказваем пратэст супраць фальсіфікацыі выбараў прэзідэнта Рэспублікі Беларусь і патаемнай і наўгурацыі Лукашэнка, які працягвае сілавым шляхам ўтрымліваць уладу.

У сувязі з ужываннем афіцыйнымі ўладамі Беларусі тэрору ў адносінах да мірных грамадзян Беларусі, з пачуццём глыбокага шкадавання мы выказваем свій недавер Міністэрству замежных спраў Рэспублікі Беларусь, усяму складу Кансультатыўнага савета па справах беларусаў замежжа пры Міністэрстве замежных спраў Рэспублікі Беларусь і асабіста Міністру замежных спраў і старшыні Кансультатыўнага савета Макею. У дадзеным становішчы мы не можам і не хочам давяраць Макею вызначэнне дзяржаўнай палітыкі ў частцы міжнародных адносін», — гаворыцца ў дакуменце.

Чырвоным адзначаны краіны, у якіх пражываюць беларусы, падпісаўшыя зварот


Між тым, беларусы свету далі шанец Макею апраўдацца, і запрасілі яго прыняць удзел у Сусветным Кангрэсе Беларусаў, правядзенне якога запланавана на 31 кастрычніка 2020 года.

«Мы прапануем Макею свабодна і адкрыта выказаць сваю пазіцыю і публічна даць справаздачу аб зробленай яго міністэрствам працы перад тварам ўсёй сусветнай супольнасці. У адваротным выпадку, мы настойваем, каб Макей добраахвотна сышоў у адстаўку з пасады старшыні Кансультатыўнага савета і Міністра замежных спраў Рэспублікі Беларусь», — падкрэчліваюць беларусы замежжа.

На працягу аднаго тыдня — з 17 па 24 кастрычніка — вотум недаверу падпісалі беларусы 840 гарадоў з 62 краін свету, у тым ліку прадстаўнікi 119 арганізацый беларусаў замежжа, грамадскіх аб’яднанняў, народных рухаў, грамадзянскіх ініцыятываў, публічныя персоны, лідэры меркаванняў, адміністратары медыйных каналаў.

26 кастрычніка 2020 вотум недаверу накіраваны ў МЗС Беларусі хуткім заказным лістом, а таксама прадубляваны на электронную пошту.

Па дадзеных Згуртавання беларусаў свету «Бацькаўшчына» за мяжой пражывае каля 3,5 млн беларусаў.

Паводле прэс-рэлізу



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: