Берлін выдзеліць на падтрымку грамадзянскай супольнасці Беларусі да 21 млн еўра — кіраўнік МЗС ФРГ

Германія выдзеліць на праграму падтрымкі грамадзянскай супольнасці ў Беларусі да 21 млн еўра, заявіў кіраўнік МЗС ФРГ Хайка Маас, выступаючы на ​​онлайн-канферэнцыі "Салідарнасць з Беларуссю" у суботу.
"Мы распрацавалі план дзеянняў "Грамадзянская супольнасць Беларусі" на суму да 21 млн еўра", - заявіў міністр,

Паводле яго слоў, Германія прапануе стыпендыі студэнтам, якія былі выключаныя з унівэрсытэтаў за ўдзел у дэманстрацыях. "Мы будзем падтрымліваць незалежныя СМІ. Акажам псіхалагічную дапамогу ахвярам катаванняў і дамо прытулак беларусам, якія праследуюцца, у Германіі", - паабяцаў Маас.

"Мы створым механізм для збору доказаў супраць тых, хто парушае правы чалавека. Прыйдзе дзень, калі яны будуць прыцягнутыя да адказнасці. Прыйдзе дзень, калі народ Беларусі зможа жыць ва ўмовах дэмакратыі, свабоды і вяршэнства закона", - сказаў ён.

Раней канцлер ФРГ Ангела Меркель у сваім відэазвароце ў суботу выказала салідарнасць з дэманстрантамі ў Беларусі і заклікала палітычнае кіраўніцтва ў Мінску неадкладна спыніць рэпрэсіі і вызваліць палітвязняў.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: