Беспарадкі ў Мінеапалісе: пратэстоўцы спалілі паліцэйскі ўчастак

У Мінеапалісе працягваюцца беспарадкі, выкліканыя гібеллю 46-гадовага афраамерыканца Джорджа Флойда. Ён памёр у панядзелак, пасля таго як паліцэйскі пры яго затрыманні ужыў задушлівы прыём.
У ноч на пятніцу пратэстоўцы атачылі паліцэйскі ўчастак, дзе працавалі паліцыянты, што ўдзельнічалі ў затрыманні Флойда. Супрацоўнікі ўчастка падняліся на дах і спрабавалі разагнаць натоўп светлашумавымі гранатамі і слёзацечным газам.

Пасля таго як паліцэйскіх эвакуявалі з дапамогай верталёта, пратэстоўцы ўварваліся ў будынак і падпалілі яго, перадае Fox News.

За дзень да гэтага ля паліцэйскага ўчастка ўжо адбываліся сутыкненні — пратэстоўцы спрабавалі патрапіць унутр, а паліцыянты перагарадзілі ўваход жывым ланцугом.

Першыя пратэсты ў Мінеапалісе пачаліся яшчэ днём у аўторак, калі сотні людзей выйшлі да скрыжавання, дзе загінуў Флойд.

Ноччу мэр Мінеапаліса Джэйкаб Фрэй абвясціў у горадзе рэжым надзвычайнай сітуацыі на тэрмін да 72 гадзін, а губернатар штата Мінесота Цім Уолц падпісаў указ аб прыцягненні да забеспячэння бяспекі падраздзяленняў Нацыянальнай гвардыі. Пра гэта яго папрасілі ўлады суседняга з Мінеапаліса горада Сэнт-Пол, дзе таксама пачаліся беспарадкі.

Прэзідэнт ЗША Дональд Трамп ў «Твітэры» напісаў, што можа накіраваць байцоў Нацыянальнай гвардыі і ў Мінэапаліс.

«Не магу заставацца ў баку і глядзець на тое, што адбываецца з выдатным амерыканскім горадам Мінеапалісам. Поўная адсутнасць кіраўніцтва. Ці вельмі слабы радыкальны левы мэр Джэйкаб Фрэй прыме меры і возьме горад пад кантроль, ці я накірую Нацыянальную гвардыю і зраблю ўсё, як трэба», — напісаў Трамп.

Што здарылася з Джорджам Флойдам

25 мая аўтамабіль Флойда спынілі паліцыянты, правяраючыя інфармацыю аб выкарыстанні фальшывых банкнот.

Флойду загадалі адысці ад машыны, паліцыянты казалі, што ён супраціўляўся арышту. У афіцэраў працавалі нагрудныя камеры, аднак іх запісы былі канфіскаваныя для расследавання.

«Афіцэрам удалося надзець на падазраванага кайданкі, пасля чаго яны заўважылі, што яму дрэнна», — гаварылася ў заяве паліцыі.

Апублікаванае ў інтэрнэце відэа пачынаецца ўжо з моманту, на якім белы паліцэйскі прымяняе задушлівы прыём, наступаючы каленам на шыю затрыманага.

На зробленай адным з відавочцаў відэазапісы чуваць, што лежачы на зямлі Флойд паўтараў: «Я задыхаюся! Я задыхаюся!» і прасіў: «Не забівайце мяне».

Вакол сабраліся мінакі, якія заклікалі паліцэйскага перастаць душыць Флойда і праверыць у яго пульс. Праз некаторы час Флойд перастае рухацца, і яго забірае хуткая. У шпіталь яго прывезлі ўжо мёртвым.

Пасля таго, што адбылося чацвёра паліцэйскіх былі звольненыя.

Паводле Бі-Бі-Сі

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: