«Бі-бі-сі»: Юлію Скрыпаль вывезлі з бальніцы ў «бяспечнае месца»

Юлію Скрыпаль выпісалі са шпіталя ў Солсберы і перавезлі ў «бяспечнае месца». Пра гэта са спасылкай на неназваныя крыніцы піша «Бі-бі-сі».
Скрыпаль выпісалі яшчэ 9 красавіка, удакладняе выданне. Раней пра тое, што пацыентку выпісалі напярэдадні, паведамлялі крыніцы Sky News.

Бацька Юліі Сяргей Скрыпаль, якога таксама шпіталізавалі з атручваннем, застаецца ў бальніцы, але яго стан «хутка паляпшаецца», дадала крыніца «Бі-бі-сі».

Сяргей і Юлія Скрыпалі былі шпіталізаваны 4 сакавіка з падазрэннем на атручванне нервова-паралітычным рэчывам. Па версіі брытанскага следства, былога афіцэра ГРУ Сяргея Скрыпаля, які шпіёніў на карысць Лондана, атруцілі расійскія спецслужбы.

Вялікабрытанія выслала з краіны 23 расійскіх дыпламатаў, прадстаўнікоў Масквы таксама выслалі іншыя краіны. Расія заявіла аб недатычнасці да атручвання Скрыпалей, назваўшы тое, што здарылася правакацыяй.


Паводле meduza.io

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: