Больш за 200 іранцаў памерлі праз спробы абараніцца ад COVID-19 алкаголем

Больш за 200 іранцаў памерлі ад "лячэння" ад каронавіруса алкаголем. Такая смяротнасць ад алкаголю зафіксаваная на працягу апошніх тыдняў. Сярод ахвяраў — дзіця, якое спрабавалі "засцерагчы" бацькі.

 

Фота: theridgefieldpress.com

У Іране на працягу некалькіх тыдняў памерлі больш за 200 чалавек, якія ўжывалі зпоблены ў хатніх умовах або прамысловы алкаголь "для прафілактыкі" каронавіруса. Пра гэта паведамляе Al Arabiya ў панядзелак, 23 сакавіка.

"Больш за 200 чалавек памерлі ў Іране на працягу апошніх тыдняў у выніку атручвання алкаголем, бо спадзяваліся, што ён прадухіляе каронавірусную інфекцыю", — сказана ў паведамленні.

Алкагольныя напоі былі забароненыя ў Іране з 1979 года, але многія людзі, асабліва бяднейшыя, спрабуюць піць дома небяспечныя алкагольныя напоі, якія ўтрымліваюць метанол, ці нават спрабуюць ужываць тэхнічны алкаголь з фруктовымі араматызатарамі, які можна набыць у супермаркетах. З-за ілжывых уяўленняў пра лекавыя ўласцівасці алкаголю ў змаганні з каронавірусам пакутуюць нават дзеці.

У прыватнасці, дзіця страціла зрок і трапіла ў кому пасля таго, як родныя далі яму нейкі алкагольны напой, каб "засцерагчы" ад заражэння каронавірусам. Выданне не ўдакладняе ўзрост дзіцяці.

Нагадаем, што амаль 300 тысяч чалавек у свеце заразіліся COVID-19. Паводле дадзеных штодзённай справаздачы, за апошнія суткі ў свеце заразіліся каля 26 тысяч чалавек, а памерлі — каля 1600.

Паводле korrespondent.net, alarabiya.net

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: