Будаўніцтва трубаправода «Паўночны паток — 2» спынілася пасля ўвядзення новых санкцый супраць РФ

Штрафныя меры Вашынгтона накіраваны супраць кампаній, якія займаюцца будаўніцтвам газаправода «Паўночны паток — 2». З подпісам Дональда Трампа закон уступіў у сілу.
Прэзідэнт ЗША Дональд Трамп ўхваліў зацверджаны Кангрэсам і Сенатам пакет санкцый супраць кампаній, якія ўдзельнічаюць у будаўніцтве газаправода «Паўночны паток - 2». Тым самым закон уступіў у сілу. Штрафныя меры закладзеныя ў новым абаронным бюджэце ЗША на 2020 год, які Трамп падпісаў у суботу, 21 снежня.

З-за санкцый ЗША кампанія Allseas прыпыніла дзейнасць па ўкладцы трубаправода "Паўночны паток - 2".

Пра гэта фірма паведаміла на сваім сайце ў ноч на суботу, 21 снежня, адразу пасля ўступлення ў сілу закона аб амерыканскіх санкцыях.

Прэм'ер-міністр Украіны заявіў, што санкцыі ўзмацняюць пазіцыі краіны ў перамовах з РФ аб транзіце газу. У цэлым у Кіеве віталі новыя санкцыі ЗША супраць газаправода «Паўночны паток - 2».

Як напісаў у суботу, 21 снежня, сваім твітэры на англійскай мове ўкраінскі прэм'ер-міністр Аляксей Ганчарук, санкцыі ўзмацняюць пазіцыі ў перамовах, якія Кіеў вядзе з Расіяй аб транзіце газу ў Еўропу і «гуляюць ключавую ролю ў прадухіленні любых манаполій на энергетычным рынку ЕС».

«Такім чынам, санкцыі забяспечваюць стабільнасць рынкаў і канкурэнтаздольныя цэны для ўсіх еўрапейскіх спажыўцоў. Украіна падзяляе гэтую пазіцыю з многімі іншымі краінамі ЕС, якія на працягу апошніх чатырох гадоў выступалі супраць будаўніцтва гэтага палітычна матываванага праекта», — напісаў Ганчарук.

Паводле dw.com

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: