Чацвярых жыхароў Крыма аштрафавалі за тое, што не данеслі на знаёмага

У ФСБ паведамілі пра штрафы крымчанам тое, што не данеслі. Іх абавязалі выплаціць штрафы ад 30 да 40 тысяч расійскіх рублёў за тое, што не паведамілі пра знаёмага, які нібыта ўступіў у ІД.
Фота: ФСБ РФ

Фота: ФСБ РФ

Чацвярых жыхароў Крыма аштрафавалі за тое, што яны не данеслі на свайго знаёмага, які нібыта ўдзельнічаў у тэрарыстычнай арганізацыі «Ісламская дзяржава», паведамляе korrespondent.net.

Адзначаецца, што крымчан абавязалі заплаціць штрафы ад 30 да 40 тысяч рублёў.

«Суды Крыма» вынеслі прысуды ў дачыненні да чатырох мясцовых жыхароў 1986, 1990 і 1991 гадоў нараджэння, якія абвінавачваюцца паводле арт. 205.6 Крымінальнага кодэкса Расіі («Непаведамленне ў органы ўлады пра асобу, якая, паводле дакладных звестак, учыніла злачынства тэрарыстычнай накіраванасці»), гаворыцца ў прэс-рэлізе ФСБ.

Паводле звестак ФСБ, знаёмы крымчан, які знаходзіцца ў Іраку, уступіў у шэрагі ІД, але яны не паведамілі пра гэта расійскім праваахоўным органам.

Жыхары Крыма перапісваліся з ім у інтэрнэце, «аднак наўмысна ўтойвалі згаданую інфармацыю пры допытах у якасці сведак па крымінальнай справе», адзначаецца ў паведамленні.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: