Дамаск заявіў пра ўварванне Турцыі

Турэцкія войскі ўвайшлі ў сірыйскі горад Саракіб і рухаюцца ў напрамку Хан-Шэйхуна ў правінцыі Ідліб, заявілі ў МЗС Сірыі.

Турэцкія войскі ў Сірыі

МЗС Сірыі заявіў у панядзелак, 19 жніўня, пра ўварванне турэцкіх войскаў, паведамляе тэлеканал Syria TV.

У Дамаску заяўляюць, што турэцкая бронетэхніка рухаецца ў бок горада Хан-Шэйхун у правінцыі Ідліб, баі за які вядзе сірыйская армія.

"Турэцкія БТР са зброяй на борце парушылі сірыйскую мяжу і ўвайшлі ў горад Саракіб, яны рухаюцца ў напрамку Хан-Шэйхуна", — гаворыцца ў заяве.

Раней паведамлялася, што Турцыя мае намер стварыць зону бяспекі на поўначы Сірыі ўздоўж сваіх межаў.

Нагадаем, у 2016–2017 гадах Турцыя праводзіла на тэрыторыі Сірыі ваенную аперацыю “Шчыт Еўфрата”. У 2018 годзе Анкара пачала ў Сірыі аперацыю “Аліўкавая галінка”, мэтай якой было заняць сірыйскі Афрын, што знаходзіўся на той момант пад кантролем курдскіх узброеных фармаванняў. Як вядома, з канца мінулага года Турцыя рыхтуе новую ваенную аперацыю ў Сірыі.

Паводле korrespondent.net


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!