Дом Гітлера ў Аўстрыі перайшоў ва ўласнасць дзяржавы

Канстытуцыйны суд Аўстрыі паставіў кропку ў спрэчцы пра дом, дзе нарадзіўся Гітлер. Будынак, нягледзячы на ​​пратэсты яго ўладальніцы, быў канфіскаваны на карысць дзяржавы.

 Дом Гітлера ў аўстрыйскім Браунау-на-Іне

Канстытуцыйны суд Аўстрыі пацвердзіў законнасць адчужэння на карысць дзяржавы дома ў мястэчку Браўнаў-на-Іне (федэральная зямля Верхняя Аўстрыя), дзе нарадзіўся Адольф Гітлер. Рашэнне пра гэта вынесла ў пятніцу, 30 чэрвеня, калегія суддзяў Канстытуцыйнага суда.

Экспрапрыяцыя дома адпавядае грамадскім інтарэсам, нормам і праведзена не бязвыплатна, таму яна не супярэчыць канстытуцыі, заявіў прэзідэнт Канстытуцыйнага суда Герхарт Хольцынгер. Ён ўказаў, што толькі экспрапрыяцыя дазволіць уладам на законнай падставе распараджацца домам і перашкодзіць яго выкарыстанню ў якасці сімвала нацысцкага рэжыму.

Далейшы лёс дома Гітлера пакуль невядомы

Тым самым суд адхіліў хадайніцтва былой уладальніцы дома, якія пратэставалі супраць рашэння парламента і ўрада Аўстрыі аб адчужэнні дома, які належаў ёй на працягу дзесяцігоддзяў. Гаспадыня неаднаразова адхіляла прапановы ўладаў наконт продажу дома, у якім пасля вайны знаходзілася спачатку бібліятэка, затым школа, а потым майстэрня для інвалідаў. З 2011 года дом стаіць пусты.

Рашэнне пра далейшы лёс дома пакуль не прынятае. З 1993 года будынак уваходзіць у архітэктурную групу Зальцбургскага прадмесця і знаходзіцца, такім чынам, пад абаронай закона. Міністр унутраных спраў Аўстрыі Вольфганг Саботка раней выказваўся за знос дома.

Паводле www.dw.com


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: