DW: Падазрэнні NАТO наконт «Захада–2017» апраўдаліся

Маштабы і геаграфія манеўраў апынуліся большымі, чым было заяўлена першапачаткова. Падчас вучэнняў адпрацоўваліся шырокі міждзяржаўны канфлікт, паскардзіліся ў NАТO.

 Танкі на вучэннях "Захад–2017" у Беларусі, Верасень 2017 года

У NАТO ўпэўненыя, што падазрэнні адносна расійска-беларускіх вучэнняў "Захад–2017" былі апраўданымі. "Для поўнай ацэнкі спатрэбіцца некалькі тыдняў, але ўжо цяпер зразумела, што маштаб і геаграфічны ахоп вучэнняў "Захад-2017" апынулася істотна большымі за першапачатковыя заявы (Масквы і Мінску. — DW)", — паведаміла афіцыйны прадстаўнік NАТO Аана Лунгеску газеце “Süddeutsche Zeitung” у чацвер, 21 верасня.

Паводле яе слоў, гэтыя манеўры адбываліся не толькі на тэрыторыі Беларусі, Калінінграда, Ленінградскай вобласці і ў акваторыі Балтыйскага мора, як анансавалася перад пачаткам вучэнняў. Адначасова "істотная" вучэнні праходзілі ў Арктыцы, на далёкім Усходзе, у Чорным моры недалёка ад мяжы з Украінай, а таксама ў Абхазіі, прычым прадстаўнікі расійскіх уладаў афіцыйна звязвалі некаторыя з іх з манеўрамі "Захад–2017", дадала Лунгеску.

У Паўночнаатлантычным альянсе мяркуюць, што вучэнні "Захад–2017" імітавалі "відавочна шырокі канфлікт паміж дзяржавамі" і што ў іх быў задзейнічаны "поўны спектр расійскага і беларускага ўзбраення", уключаючы ваенны флот, падводныя лодкі, знішчальнікі, танкі, артылерыя і міжкантынентальная балістычная ракеты. 

NАТO: РФ занізіла дадзеныя пра колькасць удзельнікаў манеўраў 

NАТO лічыць, што ў манеўрах РФ і Беларусі на самай справе ўдзельнічалі значна больш вайскоўцаў, чым было афіцыйна абвешчана. Раней Менск і Масква паведамлялі аб 12 700 вайскоўцаў. У альянсе пакуль не называюць канкрэтных лічбаў, але кажуць пра "некалькі дзясяткаў тысяч салдат", якія былі задзейнічаныя ў "Захад–2017". Венскі дакумент АБСЕ абавязвае краіны-арганізатары ваенных манеўраў дапусціць на іх замежных назіральнікаў, калi колькасць асабістага складу, што ў іх удзельнічае, перавышае 13 тысяч чалавек.

Нагадаем, вучэнні "Захад–2017" прайшлі з 14 па 20 верасня. Перад іх пачаткам намеснік міністра абароны РФ Аляксандр Фамін сцвярджаў у інтэрв'ю DW, што манеўры носяць выключна абарончы характар ​​і накіраваныя на "адпрацоўку адпаведных спосабаў і прымянення ўзброеных сіл для барацьбы з тэрарызмам".

Паводле www.dw.com



Хочаце ведаць больш? Сачыце за нашымі публікацыямі ў Telegram і Facebook!