Дзярждума Расіі прыняла закон аб ізаляцыі рунэту

Дзярждума Расіі прыняла ў трэцім чытанні законапраект аб «забеспячэнні бяспечнага і ўстойлівага функцыянавання» інтэрнэту на тэрыторыі Расіі. Прамая трансляцыя вялася на сайце Думы. Пра гэта піша TJournal.
Фота: pixabay.com

Фота: pixabay.com

14 снежня 2018 года ў Дзярждуму ўнеслі законапраект аб аўтаномнасці рунэту. Яго неабходнасць абгрунтавалі магчымай пагрозай з боку ЗША. «Яндэкс», Mail.Ru Group, Міністэрства лічбавага развіцця, Раскамнагляд, Рассувязь, ФСО і Федэральная служба па тэхнічным і экспартным кантролі — падтрымалі законапраект. Прадстаўнікі МТС, "Мегафона", "Вымпелкома" і Tele 2 назвалі яго негатовым.

4 лютага законапраект падтрымаў урад, але прапанаваў дапрацаваць некаторыя яго палажэнні да другога чытання, напрыклад, удакладніць крыніцы фінансавання і ўскласці кантроль за выкананнем закона на Мінкамсувязі або ўрад. Удзельнікі рынка распавялі The Bell, што Мінкамсувязі магло ўнесці праўкі, змякчаючыя законапраект, але яны так і не паступілі ў Дзярждуму.

21 сакавіка аператары сувязі папярэдзілі аб магчымым запаволенні развіцця інтэрнэту рэчаў з-за закона аб аўтаномным рунэце. Яны лічаць, што законапраект можа пацягнуць тэхнічныя збоі і дэградацыю якасці паслуг. 9 красавіка кіраўнік Раскамнагляду патлумачыў неабходнасць закона аб аўтаномным рунэце больш эфектыўнай барацьбой з Telegram. Ён лічыць, што законапраект «мае на ўвазе папярэджанне распаўсюджвання забароненай інфармацыі ў РФ».


Паводле tut.by

Хочаце ведаць больш? Сачыце за нашымі публікацыямі ў Telegram і Facebook!