Facebook і Instagram выдаляюць пасты пра генерала Сулеймані

Па словах прадстаўнікоў кампаніі Facebook, якой належыць сацсетка Instagram, пасты карыстальнікаў пра генерала Сулеймані выдаляюцца з-за санкцый ЗША супраць Ірана.
Сацсетка Facebook і яе даччыная кампанія Instagram выдаляюць пасты, у якіх выказваецца падтрымка іранскаму генералу Касему Сулеймані, якога забілі ў пачатку студзеня ракетным ударам па загадзе прэзідэнта ЗША Дональда Трампа. Як паведаміў прадстаўнік кампаніі Facebook у суботу, 11 студзеня, тэлеканалу CNN, гэта робіцца з мэтай захавання санкцый ЗША супраць Ірана.

Да сваёй гібелі генерал Сулеймані узначальваў спецпадраздзяленне іранскага «Корпуса вартавых ісламскай рэвалюцыі» (КВІР), прызнанага ў Злучаных Штатах тэрарыстычнай арганізацыяй.

Па паведамленнях іранскіх СМІ, у знак пратэсту супраць падобнага кроку Instagram улады ў Тэгеране заклікалі грамадзян да «агульнанацыянальнага судовага іску» супраць сацыяльнай сеткі і нават стварылі адмысловы партал на ўрадавым сайце, дзе карыстальнікі могуць публікаваць выдаленыя з Instagram паведамленні.

У Іране лічаць выдаленне пастоў аб Сулеймані «недэмакратычным»

У сваю чаргу афіцыйны прадстаўнік урада Ірана Алі Рабійе напісаў на сваёй старонцы ў Twitter, што лічыць «бессаромным і недэмакратычным» выдаленне сацсетка йInstagram «галасоў нявінных іранцаў, якія пратэставалі супраць забойства генерала Сулеймані», у той час як «сапраўдныя тэрарысты» могуць казаць ва ўвесь голас.

Па дадзеных канала CNN, сацсетка Twitter, у якой Рабійе апублікаваў гэта паведамленне, у Іране заблакаваная, гэтак жа як і найбуйнейшая ў свеце сацсетка Facebook.

Instagram — адна з нямногіх заходніх сацсетак, да якіх іранцы маюць свабодны доступ, адзначае СМІ. Па дадзеных расійскага онлайн-выданні РБК, сёння Instagram мае ў Іране каля 24 млн актыўных карыстальнікаў.

dw.com

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: