Ford сёлета запусціць у ЗША беспілотнае таксі

Беспілотныя таксі спачатку з'явяцца ў Маямі, потым у 2022 годзе — у Осціне.

Кампанія Ford мае намер цягам пяці гадоў выпусціць больш за тысячу беспілотных аўтамабіляў на некалькіх рынках. Вытворца выкарыстоўвае для гэтага тэхналогію Lyft і беспілотныя тэхналогіі Argo AI. Па кантракце Lyft атрымае 2,5% у Argo AI.

Цяпер Ford тэстуе беспілотны аўтапарк у Осціне, Дэтройце, Маямі, Пала-Альта, Каліфорніі, Пітсбургу і Вашынгтоне. Раней стала вядома, што Argo AI рыхтуецца да IPO у гэтым годзе, а Lyft мае намер прадаць сваё падраздзяленне беспілотнікаў даччынай кампаніі Toyota за $ 550 мільёнаў.

Argo AI была заснавана выхадцамі з Google і Uber. У 2017 годзе Ford інвеставала $1 мільярд у стартап, які займаецца распрацоўкай сістэмы "віртуальны кіроўца" для беспілотных аўтамабіляў. Таксама ў 2019 годзе стартап атрымаў інвестыцыі ад Volkswagen у памеры $ 2,6 мільярда.

Паводле dev.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: