Францыя. Макрон хоча цалкам выкінуць смартфоны са школ

Гэта ідэя французскіх чыноўнікаў падзяліла грамадства.

Міністр адукацыі Францыі заявіў пра поўную забарону карыстання сотавымі тэлефонамі ў школах і гімназіях з верасня 2018 года.

Згаданае новаўвядзенне — перадвыбарчае абяцанне прэзідэнта Макрона. Ідэя чыноўнікаў падзяліла французскае грамадства.

Цяпер у Францыі забараняецца ўжываць сотавыя апараты на ўроках, але на перапынках можна.

Некаторыя бацькі для ўласнага спакою патрабуюць, каб дзеці маглі мець пры сабе тэлефон. У сваю чаргу, настаўнікі падкрэсліваюць, што вучні залежныя ад тэлефонаў. Вялікай праблемай з’яўляецца выкарыстанне мабільных тэлефонаў для маніпуляцый і спісвання падчас экзаменаў.

І хоць даўно вядомыя вынікі даследаванняў наконт негатыўнага ўплыву электронных прылад на маладых людзей — гэта праблемы са сном і канцэнтрацыяй, — то хутчэй за ўсё ў французскіх улад могуць узнікнуць праблемы з шырокай падтрымкай высунутага пытання.

Хіба што грамадскую думку пераканае прыклад школ у Вялікабрытаніі. У 2015 годзе праведзеныя даследаванні паказалі, што школы, дзе ўведзеная поўная забарона на сотавыя тэлефоны, маюць лепшыя вынікі. Акрамя таго, забарона аказала вельмі карысны ўплыў на вучняў, якія мелі праблемы з вучобай.

www.radyjo.net



Хочаце ведаць больш? Сачыце за нашымі публікацыямі ў Telegram і Facebook!

Каментаваць