Францыя. Спорт — ахвяра змены клімату

Калі глабальнае пацяпленне не спыніцца — спорт чакаюць цяжкія часы.

Французскае выданне «20 minutes» сенсацыйна напісала пра Сусветную канферэнцыю ААН па пытаннях змены клімату, што прайшла ў польскім Катавіцэ. Выданне правяло даследаванне ўплыву зменаў клімату на спорт. 

Высновы сапраўды сенсацыйныя. У выпадку працягу працэсу глабальнага пацяплення спорт чакаюць цяжкія часы. Некаторыя спартовыя дысцыпліны могуць папросту знікнуць праз адмоўны ўплыў тэмпературы на арганізм спартсмена. 

Пад пагрозай веласіпедныя гонкі, тэніс і нават футбол. Напрыклад, тэнісны турнір Аustralian Open дакладна давядзецца ў хуткім часе скасаваць. 

Арганізатары наступнай Алімпіяды ў Японіі ўжо прызнаюць наяўнасць смяротных рызыкаў для ўдзельнікаў марафону. Праўда, магчымая адаптацыя спорту да новых умоваў. Марафоны плануецца пачынаць прыкладна а 5-й раніцы, а футбольныя матчы скараціць. 

Магчыма, у перспектыве з’явяцца стадыёны са штучным кліматам. Хаця ёсць яшчэ адзін варыянт — перанос турніраў у больш халодныя краіны. Так, славутую велагонку Tur de France ужо зараз прапануюць праводзіць у Скандынавіі.

Паводле французскай прэсы



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: