Friday for Future: пратэсты ў абарону клімату праходзяць па ўсім свеце (фота)

 Чакаецца, што па ўсім свеце ў пратэстах возьмуць удзел сотні тысяч чалавек, распавядае dw.com.


Аўстралія стала першай краінай, дзе 29 лістапада прайшлі акцыі ў абарону клімату ў рамках акцый Fridays for Future. У мегаполісе Сіднэі, які шмат дзён ахутаны клубамі дыму з-за лясных пажараў, сотні школьнікаў і кліматычных актывістаў сабраліся перад штаб-кватэрай кіруючай у Аўстраліі Ліберальнай партыі.
Адна з удзельніц акцыі Friday of Future ў Сіднэі ў масцы

Адна з удзельніц акцыі Friday of Future ў Сіднэі ў масцы



Дэманстранты лічаць, што менавіта змены клімату выклікалі спусташальныя пажары, якія больш за тры тыдні бушуюць у штаце Новы Паўднёвы Уэльс на паўднёвым усходзе краіны. "Вы спальваеце нашу будучыню", — напісана на адным з транспарантаў.

Пратэсты накіраваны перш за ўсё супраць прэм'ер-міністра Аўстраліі Скота Морысана, які аспрэчвае сувязь пажараў з кліматычнымі зменамі. "Бяздзейнасць нашага ўраду ў кліматычным крызісе распаліла лясныя пажары", — лічыць адна з лідараў пратэстаў Шыанн Бродэрык.

Удзельніца акцыі ў абарону клімату Friday for Future ў Токіо

Удзельніца акцыі ў абарону клімату Friday for Future ў Токіо


Пратэсты супраць змены клімату прайшлі і ў Японіі. Сотні дэманстрантаў прайшлі па такійскаму раёну Сындзюку, дзе базуюцца офісы найбуйнейшых карпарацый Японіі.

Чакаецца, што ў кліматычных пратэстах у пятніцу па ўсім свеце прымуць удзел сотні тысяч чалавек.

Удзельніца акцыі Friday for Future ў Індыі

Удзельніца акцыі Friday for Future ў Індыі



У Нямеччыне акцыі моладзі, арганізаваныя рухам "Пятніцы дзеля будучыні" (Fridays For Future), праходзяць у больш чым 500 гарадах. Нямецкія абаронцы клімату патрабуюць дапрацоўку ўрадавага кліматычнага пакета і хутчэйшай адмовы Нямеччыны ад вугальнай энергетыкі.


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: