Google прынізіць Russia Today ў рэйтынгах навін

Пашукавік Google мэтанакіравана зменшыць уплыў расійскіх дзяржаўных медыя ў выдачы навінаў і рэкламе. Але гэта не будзе наўпроставы бан.
Гэтую навіну Эрык Шмідт (выканаўчы старшыня кансорцыўму Alphabet, у які ўваходзіць Google) распавёў у мінулую суботу падчас Міжнароднага форуму па бяспецы ў Галіфаксе. Агучаная пазіцыя ўжо выклікала рэзкую рэакцыю расійскага боку.
Эрык Шмідт

Паводле Шмідта, у Google ўсведамляюць, што некаторыя расійскія СМІ — у прыватнасці Russia Today і Sputnik — выкарыстоўваюцца для «распаўсюду дэзінфармацыі альбо яшчэ горшых рэчаў».

Змагацца са злоўжываннямі будуць інжынернымі сродкамі.

Паводле Шмідта, расійская стратэгія дастаткова відавочная, і звычайна ўключае ў сябе «накачку» прапагандысцкіх пасылаў. Ужываюцца паўторы, спекулятыўная або хлуслівая інфармацыя, якую можна выкарыстаць для распальвання канфліктаў.
 

«Усе гэтыя патэрны можна выявіць — і адпаведна выключыць з інфармацыйных каналаў альбо дэпрыярэтызаваць».


Ён адмыслова падкрэсліў, што размова ідзе не аб блакіроўцы згаданых сайтаў ці цэнзуры, але аб ранжыраванні інфармацыйных матэрыялаў, якія будуць класіфікаваныя як прапаганда.

У адказ расійскі Раскомнагляд выказаў заклапочанасць і запатрабаваў тлумачэнняў ад Google, наконт планаванага ранжыравання.


Паводле Vice Motherboard і TV Дождь






Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: