Германія. Як змагацца з эколагамі

Канцэрн Siemens, штаб якога знаходзіцца ў Мюнхене, прыдумаў арыгінальны спосаб змагацца з абаронцамі клімату з ініцыятывы Fridays for Futurе.

Фота www.nachedeu.com

Вучні, якія складаюць касцяк Fridays for Futurе, актыўна атакуюць фірму за здабычу вугалю ў Аўстраліі. Менавіта праца мясцовых вугальных электрастанцый, як лічаць аднадумцы Грэты Тунберг, стала адным з фактараў рэкордных тэмператур на тым кантыненце, і, адпаведна, буйных пажараў. Эколагі нават прысвоілі Siemens тытул «забойца клімату».

Каб аслабіць крытыку, кіраўнік фірмы Джо Кесер пайшоў на незвычайны крок — прапанаваў 23-гадовай Луізе Нойбауэр — спікерцы руху Fridays for Futurе, — пасаду ў наглядальным савеце Siemens.

Пакуль Луіза думае, ці ўвайсці ў кіраўніцтва канцэрна, у грамадстве ідуць спрэчкі наконт ідэі Кесера. Некаторыя лічаць, што ён ганьбіць нямецкую індустрыю. Іншыя дапускаюць такую тактыку, каб «прыпыніць экалагічную істэрыку дзяцей».

Паводле нямецкай прэсы

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: