Германія плануе цалкам прыпыніць міжнародныя авіязносіны

Улады Германіі могуць прыняць рашэнне аб поўным прыпынку міжнародных авіязносін. Пра гэта заявіў міністр унутраных спраў ФРГ Хорст Зеехофер.


Ён адзначыў, што такая мера можа быць прынята ў сувязі з распаўсюджваннем у свеце найноўшых штамаў каронавіруснай інфекцыі. Зеехофер таксама не выключыў новых абмежаванняў для замежных грамадзян, што ўязджаюць у краіну, паведамляе DW.

Ён растлумачыў, што ўводзіць новыя ўзмоцненыя меры бяспекі змушае пагроза, якую нясуць у сабе мутацыі віруса.

Раней нямецкі канцлер Ангела Меркель абвясціла, што не падтрымлівае ідэю поўнай забароны на падарожжы, але запатрабавала абмежаваць турызм.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: