Помнік без галавы

Хваля палявання на помнікі гістарычным асобам дабралася і да Германіі.

Фота tournavigator.pro

Ужо здараліся спробы нападу на помнікі і шыльды, прысвечаныя палітыкам часоў Германскай імперыі. У фокус увагі грамадскасці сярод іншых трапілі манументы канцлеру Бісмарку.

Кампрамату на яго хапае. Бісмарк у часы сваёй кадэнцыі пераследаваў каталікоў, палякаў, сацыял-дэмакратаў і, нарэшце, стаяў каля вытокаў германскай каланіяльнай палітыкі ў Афрыцы. Аднак, з іншага боку, «жалезны канцлер» зрабіў шмат добрых спраў: напрыклад, заснаваў пенсійную сістэму.

Свой варыянт кампрамісу прапанаваў адзін з пастараў Гамбургу, дзе знаходзіцца самы вялікі помнік Бісмарку ў свеце — вышынёй 34 метры. Пастар прапануе пакінуць помнік, аднак пазбавіць яго галавы. Па яго словах, такім чынам помнік Бісмарку страціць сваю сілу ды манументальнасць і перастане раздражняць крытыкаў.

Рэакцыя на прапанову пакуль незвычайная. У інтэрнэце задаюцца пытаннем: а чаму для рэабілітацыі Бісмарка трэба пазбавіць помнік менавіта галавы? Магчыма, помнік страціць свой некарэктны падтэкст, калі канцлеру проста адбіць нос або вусы.

Паводле нямецкай прэсы



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: