Германія прапанавала пашырыць місію АБСЕ на Азоў

Кіраўнік МЗС Германіі Хайка Маас падтрымлівае пашырэнне місіі АБСЕ. Гэтую прапанову павінны абмеркаваць на наступным тыдні падчас сустрэчы прадстаўнікоў Украіны і Расіі пры пасярэдніцтве Францыі і Германіі.


Кіраўнік МЗС Германіі Хайка Маас 

Кіраўнік МЗС Германіі Хайка Маас прапанаваў пашырыць назіральную місію АБСЕ ва Украіне на Азоўскае мора.

Пра гэта ён сказаў падчас міністэрскай сустрэчы АБСЕ ў Мілане, піша korrespondent.net.

"Гэта будзе няпроста, таму што пазіцыя бакоў да гэтага часу жорсткая. Думаю, для ўкраінскага боку гэта будзе добра, а вось расійскі бок настроены вельмі скептычна", — сказаў Маас.

Паводле яго слоў, гэтую прапанову павінны абмеркаваць на наступным тыдні падчас сустрэчы прадстаўнікоў Украіны і Расіі пры пасярэдніцтве Францыі і Германіі.

Цяпер назіральнікі АБСЕ размешчаны на ўсходзе Украіны, дзе яны ажыццяўляюць маніторынг выканання Мінскіх дамоўленасцей.

Пасля захопу ўкраінскіх маракоў у раёне Керчанскага праліва Украіна заклікала маніторынгавую місію АБСЕ пачаць узмоцнены маніторынг акваторыі Азоўскага мора і прылеглых тэрыторый.

Напярэдадні ў АБСЕ прапанавалі ўвесці маніторынг на Азоўскім моры. Прадстаўнік Даніі прапанаваў краінам-сябрам арганізацыі разгледзець магчымасць увядзення міжнароднага маніторынгу ў Керчанскім праліве.

Паводле korrespondent.net.




Хочаце ведаць больш? Сачыце за нашымі публікацыямі ў Telegram і Facebook!