Германія. Зашмат белых у гандболе

Федэрацыя гандбола Германіі (DHB) сутыкнулася з незвычайнай крытыкай. Кіраўніцтва DHB абвінавацілі ў засіллі ў нямецкай гандбольнай зборнай «белых твараў».

Фота: bild.de

Сапраўды, усе гульцы ў камандзе ФРГ — тыповыя еўрапейцы. На думку крытыкаў, кансервацыя сітуацыі можа прывесці да крызісу гандбола ў краіне.

Логіка тут наступная: дзеці мігрантаў, якіх у краіне ўсё больш і больш, наўрад ці пойдуць у від спорту, дзе дамінуюць выключна белыя бландзіны.

Не падабаецца крытыкам і тое, што ў рэкламе DHB шмат тэмаў, якія асацыююцца з каштоўнасцямі нямецкай традыцыйнай культуры, такіх, як павага, дысцыпліна, мужнасць і гэтак далей.

Федэрацыя з такімі тэзісамі не згодна. Па словах яе кіраўніка, па-першае, гандбол у любым выпадку будзе ўспрымацца як гульня еўрапейцаў, якія яе і прыдумалі. Па-другое, выразная ідэнтыфікацыя гульцоў зборнай з краінай і нацыяй — гэта вялікі поспех для трэнера. Такі калектыў больш матываваны на перамогу.

Зрэшты, кіраўніцтва DHB паабяцала на працягу пару гадоў прыняць крокі, якія выправяць цяперашняе становішча.

Паводле нямецкай прэсы

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: