Германія. Чыгунка супраць англіцызмаў

Кіраўніцтва нямецкай чыгункі (, або скарочана DВ) прыняло рашэнне: супрацьстаяць выкарыстанню словаў англійскага паходжання.



Апошнім часам англіцызмы актыўна пранікаюць у лексіку практычна ўсіх нямецкіх кампаній, і DВ тут не выключэнне. Дастаткова сказаць, што білеты на цягнікі даўно пачалі называць на англійскі манер — «тыкет», што выклікае заканамерныя пратэсты аматараў нямецкай мовы. Яны аж з 2007 года вядуць грамадскую кампанію супраць моўнай асіміляцыі чыгункі, налічыўшы ў лексіконе DВ 111 англійскіх словаў.

І вось нарэшце перамога. Канкрэтным крокам у падтрымку матчынай мовы стане выданне кіраўніцтвам DВ спецыяльнага слоўніка для супрацоўнікаў, з дапамогай якога чыгуначнікі змогуць выказаць сваю думку без ужывання мовы Шэкспіра.

Між тым, правыя партыі лічаць усе мерапрыемствы DВ штучнымі. Прынамсі, яны ўказваюць на тое, што назва вядомай катэгорыі рэйсаў Intercity-Express не будзе мяняцца. Міністр транспарту паведаміў, што назвы дадзенага тыпу пасажырскіх перавозак рэформа тычыцца не будзе.

Паводле нямецкай прэсы

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: