Грэчаская царква: ёга і хрысціянства несумяшчальныя

Лідары Грэчаскай праваслаўнай царквы афіцыйна заклікалі паству адмовіцца ад заняткаў ёгай.

Фота з сайта leonid-orlan.livejournal.com

Гэтая практыка, па іх словах, «цалкам несумяшчальная» з хрысціянскай верай. У заяве Святы Сінод царквы падрабязна тлумачыць, што ёга — гэта не «від фізічных практыкаванняў», а, хутчэй, «фундаментальная частка індуізму».

Рашэнне Сіноду зноў гальванізавала старую спрэчку — наколькі ёга з’яўляецца часткай індуісцкай рэлігіі. Некаторыя з гісторыкаў сцвярджаюць, што людзі пачалі сядзець у позе лотаса яшчэ да афармлення індуізму ў адмысловую рэлігійную школу. Акрамя таго, нават у самой Індыі многія напрамкі ёгі не маюць духоўнага зместу.

 Цікава, што ў Каліфорніі ў 2015 годзе мясцовы суд пастанавіў: заняткі ёгай не з’яўляюцца рэлігійнай дзейнасцю. Такім чынам, атрымліваецца, што праваслаўныя грэкі могуць спакойна парушаць рашэнні Сіноду.

Паводле амерыканскай прэсы



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: