iPhone памерам з дзверы, турма для Трампа: тыдзень вачыма сусветных карыкатурыстаў

	Зараз	Увечары	Уночы	Заўтра ўдзень
Мінск	+0℃	+2℃	+1℃	+2℃
Брэст	+1℃	+3℃	+3℃	+4℃
Віцебск	+0℃	+1℃	+1℃	+2℃
Гомель	+1℃	+0℃	+1℃	+2℃
Гродна	+2℃	+3℃	+0℃	+4℃
Магілёў	+1℃	+1℃	+1℃	+1℃

	Учора	Сёння	Заўтра
1 долар ЗША	2.6057	2.6057	2.6057
1 еўра	3.1662	3.1662	3.1662
100 грывень	9.3251	9.3251	9.3251
10 польскіх злотых	6.9917	6.9917	6.9917
100 расійскіх рублёў	3.5028	3.5028	3.5028

Капітуляцыя Тэрэзы Мэй, мір праз пагрозу вайны і сумная будучыня iPhone — гэтыя і іншыя падзеі тыдня вачыма сусветных карыкатурыстаў.

У аўстрыйскім Зальцбургу 19-20 верасня на нефармальным саміце Еўрасаюза яго лідары назвалі непрымальнымі прапановы Вялікабрытаніі па фармаце выхаду краіны з ЕС. Такое развіццё падзей з'яўляецца сінонімам палітычнай капітуляцыі кансерватараў на чале з Тэрэзай Мэй, якая, па меркаванню шмат каго, вось-вось страціць пасаду прэм'ер-міністра. Незайздроснае становішча Тэрэзы ілюструе брытанскае выданне The Guardian.

Падзеі ў саксонскім горадзе Хемніц выклікалі палітычную турбулентнасць ва ўсёй Германіі. У Xeмніцы пасля забойства імігрантамі 35-гадовага грамадзяніна ФРГ прайшоў шэраг маніфестацый неанацыстаў і праціўнікаў меркелеўскай палітыкі прадстаўлення прытулку бежанцам. Беспарадкі таксама акрэслілі сур'ёзныя супярэчнасці ва ўрадзе Германіі. Выданне Neues Deutschland прапануе ў сувязі з гэтым падкарэктаваць дызайн вядомага помніка Карлу Марксу, які з'яўляецца візітоўкай Хемніца.

Саміт лідараў КНДР і Паўднёвай Карэі, які прайшоў у Паўночнай Карэі, дапамог шмат у чым прасунуць адносіны Поўдня і Поўначы. Па вынікам сустрэч была падпісана сумесная заява аб намерах пазбавіць Карэйскі паўвостраў ядзернай зброі і пагрозы вайны. Парадаксальна, але гарманізацыя ў адносінах пачалася з-за страху Сеула перад атамнай праграмай КНДР. На гэтую тэму малюнак з швейцарскага выдання. Кін Чэн Ын кажа паўднёвакарэйскаму калегу: «Хочаш міру — рыхтуй атамную бомбу».

Прэзідэнт ЗША Дональд Трамп публічна падтрымаў свайго кандыдата, юрыста Брэтта Кавана (Brett Kavanaugh), на пасаду аднаго з вярхоўных суддзяў. Выбар выклікаў буйны скандал, паколькі юрыста абвінавачваюць у сэксуальных дамаганнях. Эксперты тлумачаць паводзіны Трампа важнай роляй Вярхоўнага суда ва ўнутрыпалітычным жыцці ЗША. Так, напрыклад, Вярхоўны суд можа падтрымаць рашэнне пра імпічмент Трампа. Некаторыя мастакі (напрыклад, Поль Дугінскі (Paul Duginski)) у сувязі з гэтым ужо малююць карыкатуры на тэму адстаўкі і асуджэння Трампа. Подпіс пад малюнкам: «Вось сцяна, якая зробіць Амерыку бяспечнай зноў».

І пра кампутарныя навінкі. Прэзэнтаваныя 12 верасня мадэлі iPhone XS і XS Max паступілі ў продаж і ўжо паспелі расчараваць некаторых спажыўцоў. Апытанне сведчыць, што многія з карыстальнікаў адмовіліся ад набыцця новага смартфона з-за завышанага кошту і нязручных памераў. У гэтай сувязі шмат хто іранізуе над будучыняй прадукцыі Apple. Напрыклад, мастак рэсурсу Tribune Content Agency лічыць, што хутка iPhone будзе каштаваць 12 000 долараў і мець вельмі вялікія габарыты.

***

Паглядзіце папярэднія агляды сусветнай карыкатуры. А якія тэмы былі б цікавыя вам? Пішыце ў каментарах!

Абмеркаванне:

ВР
2018-09-23 16:28:11

Усё гэта няблага, хоць і не сказаць, каб вельмі смешна; проста многае па-за нашым кантэкстам.
Мяне б цікавілі карыкатуры і фотажабы на тэму выгнання Івана Шылы з "Белсата". Крыху пра гэтую гісторыю гл. тут: http://belisrael.info/?p=16667