Ірландыя. Бога дазволяць абражаць

Не паспелі абвясціць вынікі травеньскага рэферэндуму, які дазволіў у Ірландыі аборты, як прагрэсіўныя ірландцы моцна задумаліся наконт яшчэ адной папраўкі ў тэкст Канстытуцыі (яна была прынятая ў 1938 годзе).

Фота з сайта irelandru.com

На старонках ліберальнай «The Irish Times» заклікаюць выкрасліць з мясцовай Канстытуцыі параграф, які забараняе блюзнерства. За публічны здзек з Бога можна атрымаць да сямі гадоў катаргі або буйны штраф.

У прынцыпе, на архаічны закон даўно глядзелі скрозь пальцы, хаця перыядычна каталіцкая грамадскасць біла ў званы. Апошні раз такое здарылася ў 2015-м, калі Ірландыю наведаў вядомы брытанскі комік Стывен Фрай. Падчас шоў ён заявіў, што «Бог — гэта эгаіст і нават, магчыма, маньяк».

Адзін з мясцовых клерыкалаў вельмі абурыўся і падаў на брытанца ў суд. Следства цягнулася амаль два гады, і ў выніку справу закрылі праз адсутнасць складу злачынства.

Каб не паўтараліся падобныя камічныя гісторыі, «The Irish Times» і прапануе змены ў Асноўным законе. Вернікам у якасці кампенсацыі абяцаюць прыняць просты закон, якія забараняе заклікі да рэлігійнай нянавісці.

Ужо нават агучана дата магчымага плебісцыту — кастрычнік гэтага года.

Паводле брытанскай прэсы

 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: