Італьянскі ўрад зрабіў вакцынацыю дзяцей абавязковай

Міністэрства аховы здароўя занепакоенае адраджэннем даўно пераможаных хваробаў.
Ілюстрацыйны здымак

Ілюстрацыйны здымак


Італьянскі ўрад прыняў у пятніцу дэкрэт, які абавязвае бацькоў праводзіць вакцынацыю дзяцей. Прышчэпкі з'яўляюцца абавязковай умовай, каб прыняць дзяцей у яслі, дзіцячы садок альбо школу. Вакцынацыя становіцца абавязковай для дзяцей да 6 гадоў.

Спіс хваробаў, супраць якіх неабходна прышчэпліваць дзяцей, пашыраны да 12. У яго былі ўключаныя прышчэпкі супраць менінгіту і адзёру (звычайнай воспы). Раней рабіць прышчэпкі супраць гэтых хваробаў толькі рэкамендавалася.

У апошнія гады ў Італіі ў некалькі разоў павялічылася колькасць захворванняў менавіта адзёру і менінгіту. На воспу, напрыклад, у 2016 годзе захварэлі 2400 дзяцей.

Як заявіў міністр аховы здароўя Італіі Паола Джэнцільёні (Paolo Gentiloni), да адраджэння даўно пераможанай хваробы прычыніліся «папулярызацыя антынавуковых тэорыяў і зніжэнне ўзроўню вакцынацыі дзяцей».

Паводле беларускай службы Польскага радыё

Хочаце ведаць больш? Сачыце за нашымі публікацыямі ў Telegram і Facebook!