Яшчэ адна трагедыя ў Магнітагорску: загарэлася маршрутка, ёсць ахвяры (відэа)

У Магнітагорску 1 студзеня загарэлася маршрутнае таксі, кіроўца і двое пасажыраў пацярпелі, паведамляе РІА Навіны.
фота: vk.com

фота: vk.com

У выніку выбуху загінулі тры чалавекі, паведаміў у телеграм-канале чалябінскі губернатар Барыс Дуброўскі.

Адзначаецца, што на маршрутным таксі было ўстаноўлена газавае абсталяванне: відавочцы чулі некалькі выбухаў і выказалі здагадку, што, хутчэй за ўсё, выбухнуў менавіта газавы балон. Гэтую ж версію, няспраўнасць газавага абсталявання, назвалі і ў МУС.



Інцыдэнт адбыўся непадалёк ад шматпавярховага дома на вуліцы Карла Маркса, у якім 31 снежня з-за выбуху газу абрынуўся пад'езд.

Нагадаем, абвальванне пад'езда жылога дома ў Магнітагорску адбылося рана раніцай 31 снежня. Паводле апошніх звестак, загінулымі лічацца дзевяць чалавек, яшчэ каля 32 чалавек прапалі без вестак і не выходзяць на сувязь. Пад заваламі дома ў Магнітагорску знайшлі жывым 11-месячнае дзіця.

Паводле novayagazeta.ru

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: