Еўрапейская паліцэйская служба наступіла на хвост кітайскай мафіі

Еўрапейская паліцэйская служба сумесна з Грамадзянскай гвардыяй Іспаніі праводзіць спецаперацыю пад кодавай назвай «Змяя». У выніку першай фазы аперацыі былі затрыманыя грамадзяне Кітая, якіх падазраюць у стварэнні буйной сеткі па адмыванню грошай.



Як паведамляе прэс-служба Еўрапейскай паліцэйскай службы, сетка дзейнічала з 2009 года і з'яўлялася філіялам больш буйной злачыннай арганізацыі, якая базуецца ў Кітаі.

За апошні час групоўка адмыла звыш 300 млн. еўра, атрыманых у выніку незаконнай дзейнасці, звязанай з пастаўкамі ў краіны ЕС кантрафактнай прадукцыі з выкарыстаннем падробленых дакументаў, махінацыямі з падаткамі і аказаннем паслуг іншым злачынным арганізацыям па адмыўцы грошай.

Большасць адмытых сродкаў, як мяркуюць у Еўрапейскай паліцэйскай службе, ужо былі выведзеныя з ЕС з дапамогай складаных схем, у якіх былі задзейнічаныя як трэція асобы, так і грамадзяне Кітая, якія ўносілі невялікія сумы на сотні банкаўскіх рахункаў з наступным пераводам на радзіму.

Па дадзеных паліцэйскіх, кітайская злачынная арганізацыя, якая знаходзіцца ў Іспаніі, мела кантакты з аналагічнымі структурамі ў розных краінах ЕС, уключаючы Бельгію, Францыю, Італію, Нідэрланды, Партугалію і Вялікабрытанію.

Групоўка таксама кантралявала працу некалькіх фабрык па шыццю адзення, якія размяшчаліся ў ваколіцах Мадрыда. На іх працавалі выключна кітайцы.

У актыўнай фазе спецаперацыі «Змяя» было задзейнічана больш за 200 супрацоўнікаў праваахоўных органаў Іспаніі і група фінансавай разведкі Еўрапейскай паліцэйскай службы. Паліцыянты затрымалі 32 грамадзяніна Кітая, правялі ператрусы ў Мадрыдзе, Барселоне і Валенсіі ў 65 кватэрах і офісах, арыштавалі 20 дарагіх аўтамабіляў і канфіскавалі больш за мільён еўра наяўнымі.

Аперацыя «Змяя» стала вынікам складанага двухгадовага міжнароднага крымінальнага расследавання, адзначаецца ў прэс-рэлізе Еўрапейскай паліцэйскай службы. Паведамляецца, што аперацыя яшчэ не завершана, у бліжэйшыя дні чакаюцца новыя арышты лідэраў і ўдзельнікаў кітайскай АЗГ.

naviny.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: