ЮНІСЕФ: з 2014 года на Данбасе ад мін загінула не менш як 38 дзяцей

Па меншай меры 38 дзяцей загінулі, яшчэ 128 былі параненыя ў выніку разрыву мін, боепрыпасаў і іншых выбухованебяспечных рэшткаў вайны на Данбасе з 2014 года.
Ілюстрацыя з адкрытых крыніц

Ілюстрацыя з адкрытых крыніц

Па дадзеных ЮНІСЕФ, больш за 200 тысяч дзяцей пражываюць у 20-кіламетровай зоне па абодва бакі ад лініі размежавання, якая моцна забруджаная мінамі і іншымі выбуханебяспечнымі рэшткамі вайны, перадае Цензор.НЕТ са спасылкай на Радіо Свобода.

«Яшчэ ў сотнях сем'яў з дзецьмі хто-небудзь з членаў сям'і пацярпеў ад мін і выбухованебяспечных рэшткаў вайны. Прыведзеныя лічбы адлюстроўваюць толькі пацверджаныя дадзеныя, фактычна такіх выпадкаў, на жаль, значна больш», — заяўляе ЮНІСЕФ, які сумесна з Дацкай групай па размініраванні (ДРБ-ДГР) прадставіў вынікі даследавання «Ацэнка патрэбаў дзяцей, якія пацярпелі ад мін або выбухованебяспечных рэшткаў вайны».

Названыя лічбы — дадзеныя маніторынгавых місій ААН па правах чалавека ва Украіне, сабраныя па стане на 31 жніўня 2019 года.

Па выніках даследавання ДРБ-ДГР і ЮНІСЕФ сумесна з Офісам упаўнаважанага Вярхоўнай Рады Украіны па правах чалавека распрацавалі рэкамендацыі па ўзмацненні дапамогі сем'ям, дзеці ў якіх пацярпелі ад мін або выбухованебяспечных рэшткаў вайны.

У прыватнасці, яны раяць звярнуць увагу на магчымасці прыцягнення міжнароднай экспертызы для забеспячэння дзяцей высакаякаснымі функцыянальнымі пратэзамі, a таксама бесперапыннай медыцынскай і псіхалагічнай дапамогай, даступнымі інклюзіўным паслугамі. Не менш важна распрацаваць адпаведную заканадаўча-прававую базу па забеспячэнні правоў пацярпелых. Дзяржава павінна прадастаўляць сацыяльнае суправаджэнне сем'ям з моманту інцыдэнту да поўнага выздараўлення пацярпелага, адзначаюць у ЮНІСЕФ.

Гэтыя і іншыя рэкамендацыі плануюць падаць на разгляд Кабінету міністраў Украіны для хуткага фарміравання нацыянальнай сацыяльнай палітыкі па ўсебаковай падтрымцы пацярпелых ад мін. 

Таксама арганізацыі заклікалі міжнародную супольнасць далучыцца і зрабіць фінансавы ўклад для падтрымкі пацярпелых ад мін ва Украіне.

censor.net.ua

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: