Кандыдат у прэзідэнты ЗША Майкл Блумбэрг гатовы выдаткаваць на кампанію мільярд долараў

Мільярдэр Майкл Блумбэрг гатовы выдаткаваць мільярд долараў на сваю прэзідэнцкую кампанію.
Майкл Блумбэрг

Майкл Блумбэрг

77-гадовы Блумбэрг спадзяецца, што на наступных выбарах прэзідэнта ЗША будзе прадстаўляць Дэмакратычную партыю.

Калі ж ён прайграе праймерыз, то абяцае фінансава падтрымаць іншага кандыдата ад партыі.

Па дадзеных The New York Times, Блумбэрг ужо выдаткаваў на палітычную рэкламу сваіх кандыдацкіх амбіцый 200 млн долараў. Такую ж суму ў 2012 годзе патраціў Барак Абама за ўвесь перыяд выбарчай кампаніі.

Паводле ацэнак Forbes, стан Блумбэрга ацэньваецца 58 млрд долараў. У 2002-2013 гадах Блумбэрг быў мэрам Нью-Ёрка.

Чарговыя прэзідэнцкія выбары ў ЗША запланаваны на 3 лістапада.

naviny.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: