Казахстан дапамог у эвакуацыі беларусаў з Кітая

2 лютага 2020 года з горада Ухань правінцыі Хубэй, закрытага на каранцін з-за ўспышкі каранавіруса, пры садзейнічанні пасольства Беларусі ў Кітаі эвакуіравалі пяць грамадзян Беларусі.
Як паведаміў урад Казахстана, менавіта гэтая краіна эвакуіравала з Ухані больш за 80 сваіх грамадзян, а таксама грамадзян Кыргызстана, Беларусі, Арменіі.

Нацыянальны каардынацыйны цэнтр экстранай медыцыны Міністэрства аховы здароўя Казахстана забяспечыў дастаўку людзей у Казахстан, у палёце іх суправаджалі казахстанскія медыкі, забяспечаныя ўсімі сродкамі абароны.

«Пасля праверкі стану здароўя прыбыўшыя размешчаны на 14-дзённы каранцін у спецыяльна выдзеленым супрацьінфекцыйным корпусе пры шматпрофільнай бальніцы сталіцы, што знаходзіцца ў 7 км ад горада. Клініка абсталявана неабходнымі тэхналогіямі інфекцыйнай бяспекі, сучасным дыягнастычным, лячэбным і рэанімацыйным абсталяваннем, ўкамплектавана медыцынскім персаналам», — гаворыцца ў паведамленні.

У медустанове эвакуіраваныя грамадзяне, у тым ліку беларусы, пройдуць дадатковае абследаванне, у першую чаргу тэставанне на каранавірусную інфекцыю. На працягу перыяду каранціну з прыбыўшымі асобамі будзе кантактаваць толькі медыцынскі персанал, які мае вопыт у працы з асабліва небяспечнымі інфекцыямі.

tut.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: