Казахстан. Ёсць вакцына ад каронавіруса?

Медыкі ўсяго свету шукаюць сродак ад віруса, які ахапіў планету. Дзіўна, што іх не цікавяць навіны з Ашхабада, дзе прэзідэнт Гурбангулы Бердымухамедаў зрабіў сенсацыйную заяву.

Фота inosmi.ru

На пасяджэнні ўраду па праблеме эпідэміі гарант абвясціў, што ведае сродак ад каронавіруса. На яго думку, «гарбала» — расліна, якая яшчэ вядомая як магільнік, з’яўляецца эфектыўным сродкам ад «шматлікіх хваробаў».

«На працягу тысячагоддзяў сфарміраваліся і даказалі сваю эфектыўнасць нацыянальныя метады супрацьстаяння згубным звычкам і прафілактыцы розных інфекцыйных захворванняў», — сказаў Бердымухамедаў.

Услед за рэкамендацыяй прэзідэнта ў дзяржустановах і школах Туркменістана пачалася кампанія па масавым абкурванні памяшканняў магільнікам. Прычым там-сям нават перастараліся і абкурваюць памяшканні двойчы на дзень.

Пакуль эфект ад мерапрыемства незразумелы. Між тым, як паведамляюць некаторыя СМІ, туркменскі ўрад разглядае варыянт закрыцця камунікацый паміж абласцямі.

Паводле туркменскай прэсы



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: