Латвія і Літва працягнулі тэрміны абмежаванняў пры перасячэньні мяжы

«Па інфармацыі, якая паступіла ад латвійскага і літоўскага бакоў, у сувязі неспрыяльнай эпідэміялагічнай сітуацыяй, выкліканай распаўсюджваннем каронавіруснай інфекцыі COVID-19, падоўжаныя тэрміны устаноўленых раней абмежаванняў пры перасячэнні мяжы. У Літве падоўжаны каранцінны рэжым да 24.00 31 траўня, у Латвіі рэжым надзвычайнай сітуацыі — да 9 чэрвеня. Усе раней усталяваныя абмежаванні ў Латвіі захоўваюцца», — праінфармавалі ў Дзяржпагранкамітэце Беларусі.
На беларуска-латвійскай мяжы зачыненыя пункты спрошчанага пропуску «Мейкшаны» (з беларускага боку «Гаўрыліна»), «Каплава» («Плюсы»), «Піедруя» ( «Друя»), а таксама міжнародны чыгуначны пункт пропуску «Індра» ( «Бігосава») на станцыі Бігосава для пасажырскіх зносін. Да 9 чэрвеня латвійскі бок спыніў афармленне замежных грамадзян і асоб без грамадзянства на ўезд у Латвію.

Уезд у краіну дазволены грузаперавозчыкам, грамадзянам Латвіі, членам іх сем'яў, асобам, якія маюць дазвол на пражыванне і працу ў Латвіі, замежным грамадзянам, якія пастаянна пражываюць у Латвіі, асобам з дыпламатычнымі пашпартамі і членам іх сем'яў, замежнікам, якія пастаянна пражываюць у Літве і Эстоніі, для вяртання да месца жыхарства, а таксама замежным грамадзянам, якія прыбылі ў Латвію па гуманітарных прычынах або для забеспячэння інтарэсаў дзяржавы.

Магчымасць перасячэння латвійска-беларускага ўчастку мяжы абмежаваная пунктамі пропуску «Патэрніекі» (з беларускага боку «Грыгараўшчына», Верхнядзвінскі раён) і «Сілене» («Урбаны», Браслаўскі раён).

На беларуска-літоўскай мяжы ў пункце пропуску «Тверачус» («Відзы» з беларускага боку) па-ранейшаму афармляюць грамадзян і транспартныя сродкі.

Інфармацыя пра змены парадку перасячэння мяжы і рэжыме працы латвійскіх пунктаў пропуску будзе прадастаўлена па меры паступлення звестак ад сумежных бакоў на інтэрнэт-партале, у акаўнтах сацыяльных сетак і Telegram-канале Дзяржпагранкамітэта.

Паводле grodnonews.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: