Лідар Каталоніі ўпэўнены, што рэферэндум адбузецца

Пучдэман перакананы, што на галасаванні прыйдзе шмат людзей. Сам жа будзе галасаваць у горадзе Сан-Жуліа-да-Раміс, дзе ён зарэгістраваны.

Лідар Каталоніі Карлес Пучдэман перакананы, што реферэндум аб незалежнасці ад Іспаніі адбудзецца. Пра гэта ён заявіў у інтэрв'ю выданню Ара напярэдадні 1 кастрычніка.

"У каталонцаў ёсць вялікае жаданне прагаласаваць, і цяпер настаў час зрабіць гэта. Усе вельмі выразна разумеюць, што гэта не злачынства, гэта адно з рашэнняў дэмакратыі ў вырашэнні канфліктаў", — кажа Пучдэман. Ён таксама паведаміў, што прыйдзе на галасаванне ў горадзе Сан-Жуліа-да-Раміс, дзе ён зарэгістраваны. "Мы спланавалі усё, таму рэферэндум "1-O" (1-дэ-Octubre - рэд.) гатовы да таго, каб людзі на ім галасавалі. Мы яшчэ працуем, і мы ведалі, што будзе шмат цяжкасцяў. Але мы працавалі і абыходзілі іх", — падкрэсліў Пучдэман. Ён таксама заявіў, што нельга дапускаць ніякага гвалту і канфрантацыі з паліцыяй.

Напярэдадні ў Каталоніі групы актывістаў, якія падтрымліваюць рэферэндум, пачалі займаць памяшканні ў некаторых школах Барселоны, дзе на 1 кастрычніка запланавана правесці галасаванне. Як паведамляе іспанскае выданне El Pais, прыхільнікі рэферэндуму плануюць забяспечыць працу школ на выходных, спрабуючы абыйсці загад Вышэйшага суда Каталоніі пра закрыццё навучальных устаноў, дзе павінны быць створаныя выбарчыя ўчасткі.

Reuters

Паведамляецца, што бацькі, школьнікі, выпускнікі і іншыя людзі вырашылі арганізаваць у школах дні адпачынку і начныя мерапрыемствы: піжамныя вечарынкі, гульні, майстар-класы, кемпінгі, воркшопы і іншае. У прыклад прыводзяць школу Паў Касалс у раёне Гарсія, дзе каля 200 чалавек, у асноўным бацькі, занялі яе памяшканне. "Ніякіх інцыдэнтаў не адбылося. Дзеці гуляюць, а бацькі арганізуюць мерапрыемствы на выходныя", — патлумачылі прадстаўнікі камісіі, створанай групай бацькоў.

Як вядома, у нядзелю ў Каталоніі павінен адбыцца рэферэндум аб незалежнасці ад Іспаніі. Афіцыйны Мадрыд абяцае не дапусціць яго правядзення. Іспанскія ўлады заявілі пра намер павялічыць колькасць паліцэйскіх у Каталоніі на дзень правядзення рэферэндуму і блакаваць участкі для галасавання. Акрамя таго, напярэдадні рэферэндуму ў Іспаніі заблакавалі 150 сайтаў з інфармацыяй аб галасаванні. Пасля паліцыя канфіскавала амаль 2,5 млн бюлетэняў, а таксама 4 млн канвертаў, прызначаных для галасавання на рэферэндуме аб незалежнасці Каталоніі. 29 верасня, напярэдадні правядзення рэферэндуму аб незалежнасці Каталоніі ад іспанскай кароны некалькі тысяч людзей выйшлі на мітынг.

Паводле unian.net

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: