Ля берагоў Японіі побач з Курыламі бясследна знік востраў

Незаселены востраў каля берагоў Японіі, хутчэй за ўсё, пайшоў пад ваду. Выведвальныя караблі пацвердзілі знікненне вострава.

Фота: Kazuhiro Nogi / AFP / Getty Images

Невялікі востраў Эсанбэ Ханакіта Кадзіма, размешчаны ля берагоў Японіі, бясследна знік. Пра гэта паведаміла 2 лістапада “The Guardian”. Паводле дадзеных выдання, незаселены востраў, хутчэй за ўсё, пайшоў пад ваду. Ён размяшчаўся на захад ад астравоў Курыльскай грады.

Знікненне вострава заўважылі ў верасні 2018 года жыхары японскай вёскі Саруфуцу. На месца былі адпраўленыя выведвальныя караблі, якія пацвердзілі знікненне Эсанбэ. Паводле словаў аднаго з мясцовых жыхароў, некалькі дзесяцігоддзяў рыбакі пазбягалі Эсанбэ, паколькі навігацыйныя сістэмы распазнавалі востраў як падводную скалу.

Да гэтага ў апошні раз берагавая ахова Японіі аглядала востраў Эсанбэ ў 1987 годзе. Тады ён падымаўся над узроўнем мора ўсяго толькі на 1,4 метра.

Эсанбэ ўваходзіць у лік 158 астравоў, якім японскі ўрад даў назвы ў 2014 годзе, каб пацвердзіць права краіны на гэтыя тэрыторыі і пашырыць выключную эканамічную зону Японіі. Усе гэтыя астравы — незаселеныя.

 

Паводле gordonua.com


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: