Лондан абвясціў пра санкцыі супраць расіян

Вялікабрытанія ўпершыню пасля выхаду з Еўрасаюза самастойна ўводзіць санкцыі па справе Магніцкага.

Фота AFP

Кіраўнік МЗС Вялікабрытаніі Дамінік Рааб у панядзелак, 6 ліпеня, абвясціў пра ўвядзенне персанальных санкцый супраць грамадзян Расіі па справе Магніцкага.

Згодна з дакументам, пад абмежавальныя меры патрапілі 25 расіян, сярод якіх кіраўнік Следкома РФ Аляксандр Бастрыкін, намеснік генпракурора РФ Віктар Грынь, намеснік кіраўніка МУС РФ Аляксей Анічын.

Абмежавальныя меры таксама ўводзяцца ў дачыненні да 22 грамадзян Саудаўскай Аравіі. Сярод іх знаходзяцца асобы, падазраваныя ў забойстве журналіста Джамаля Хашогі.

Санкцыі ўводзяцца за грубае парушэнне правоў чалавека, імі забараняецца ўезд грамадзян, якія трапілі пад іх, у Вялікабрытанію, захоўваць грошы ў брытанскіх банках, а таксама займацца бізнесам як у краіне, так і пры пасярэдніцтве падданых Каралеўства.

Да канца года санкцыйны спіс можа быць пашыраны праз дадаванне ў яго асоб, якія маюць дачыненне да карупцыі, уціску журналістаў, а таксама ад абразы людзей па рэлігійнай прыкмеце.

Санкцыі ўводзяцца ў рамках уступлення ў сілу "папраўкі Магніцкага" да закона аб санкцыях і барацьбе з адмываннем грошай, якая была прынятая Палатай абшчынаў у траўні 2018 года і павінна была ўступіць у сілу пасля выхаду Вялікабрытаніі са складу ЕС.

Нагадаем, у канцы чэрвеня Еўрасаюз падоўжыў да 31 студзеня 2021 года эканамічныя санкцыі супраць Расіі за вайсковую агрэсію ва Украіне.

Паводле korrespondent.net


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: