Макрон і Ле Пэн лідзіруюць на выбарах прэзідэнта Францыі — exit poll

Кандыдаты на пасаду прэзідэнта Францыі Эмануэль Макрон і Марын Ле Пэн лідзіруюць на выбарах, паведамляе бельгійскі тэлеканал RTBF са спасылкай на дадзеныя exit poll.

Так, па яго дадзеных, Эмануэль Макрон набірае 24%, а Марын Ле Пэн — 22%.

За імі ідуць Франсуа Фіён і Жан-Люк Меланшон, якія атрымалі 20,5% і 18%, адпаведна.

Публікацыя ў Францыі любой інфармацыі пра папярэднія вынікі галасавання забароненая да закрыцця апошняга выбарчага ўчастка ў краіне. За парушэнне гэтага правіла прадугледжаны штраф у памеры 75 тысяч еўра.

Пры гэтым падобная забарона не распаўсюджваецца на астатнюю еўрапейскую прэсу.

Як чакаецца, праца выбарчых участкаў завершыцца у 19:00 (20:00 па Мінску), аднак у некаторых буйных гарадах яны будуць працаваць на гадзіну даўжэй.

Паводле interfax.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!