Марш роўнасці ў Беластоку: паліцыя апазнала больш за сотню ўдзельнікаў беспарадкаў

У Беластоку створана спецыяльная група для выяўлення ўсіх, хто парушыў закон у суботу. Паліцыя працягвае аналізаваць матэрыялы, каб ідэнтыфікаваць больш асоб парушальнікаў.

Падляская паліцыя, прааналізаваўшы матэрыялы маніторынгу, устанавіла асобы 104 чалавек, якія парушылі закон падчас Марша роўнасці ў Беластоку, паведамляе polskieradio24.pl. У дачыненні да 77 чалавек распачатыя справы па здзейсненым злачынствам або правапарушэнням.
Чытайце таксама:

All we need is love. Першы Марш роўнасці ў Беластоку (фота)


Першы Марш роўнасці прайшоў у Беластоку днём 20 ліпеня пад лозунгам «Беласток — гэта дом для ўсіх». Падчас маршу яго ўдзельнікі падвергліся нападу з боку прадстаўнікоў каталіцкіх і нацыяналістычных суполак. У калону ляцелі петарды, цяжкія бутэлькі з вадой, камяні. У адрас дэманстрантаў гучалі абразы.

Мерапрыемства ахоўвалі некалькі соцень цяжка экіпіраваных паліцыянтаў, узвод кінолагаў, дзясяткі паліцэйскіх браневікоў і верталёт. 

Гвалт у дачыненні да ўдзельнікаў Маршу асудзілі польскія ўлады. «Я асуджаю гэтыя хуліганскія, агрэсіўныя паводзіны, якія мы мелі магчымасць назіраць падчас падзей у Беластоку» , — сказаў прэм'ер-міністр Польшчы Матэуш Маравецкі, каментуючы інцыдэнты падчас Марша роўнасці.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: