На фонд Аляксея Навальнага завялі крымінальную справу

Следчы камітэт Расіі распачаў крымінальную справу ў дачыненні да «Фонду барацьбы з карупцыяй» (ФБК) апазіцыянера Аляксея Навальнага. Пра гэта паведамляе прэс-служба ведамства.
Аляксей Навальны

Аляксей Навальны

Справа заведзена па ч. 4 арт. 174 КК Расіі (Легалізацыя (адмыванне) грашовых сродкаў або iншай маёмасцi, набытых іншымі асобамі злачынным шляхам). Максімальныя санкцыі прадугледжваюць да 7 гадоў пазбаўлення волі.

Па дадзеных следства, са студзеня 2016 га па снежань 2018 года асобы, якія маюць дачыненне да дзейнасці некамерцыйнай арганізацыі «Фонд барацьбы з карупцыяй», у тым ліку супрацоўнікаў фонду, атрымалі ад трэціх асоб буйную суму грошай у расійскіх рублях і замежнай валюце — каля 1 мільярда расійскіх рублёў (15,4 млн долараў. — Заўвага. TUT.BY), якія загадзя для іх былі набыты злачынным шляхам.

У паведамленні таксама гаворыцца, што саўдзельнікі праз банкаматы ўносілі грошы на рахункі некалькіх банкаў, пасля чаго пераводзілі іх на рахункі ФБК і такім чынам легалізоўвалі фінансаванне фонду. Канкрэтныя імёны СК не называе, але прымае меры «да ўстанаўлення асоб усіх саўдзельнікаў злачынства і іх затрымання».

СК паведаміў пра справу ў дачыненні «Фонду барацьбы з карупцыяй» 3 жніўня, у дзень правядзення ў Маскве няўзгодненай пратэстнай акцыі за допуск незалежных кандыдатаў на выбары ў Масгардуму, у тым ліку супрацоўнікаў ФБК Любові Собаль і Івана Жданава.

Некамерцыйная арганізацыя «Фонд барацьбы з карупцыяй» — некамерцыйны фонд, створаны Аляксеем Навальным ў 2011 годзе. Фонд аб'ядноўвае ўсе праекты Навальнага і займаецца зборам сродкаў на іх працу.

tut.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: