На выбарах у Малдове перамагла праеўрапейская партыя

У Малдове на парламенцкіх выбарах, якія прайшлі ў нядзелю, абсалютную большасць атрымала прапрэзідэнцкая партыя "Дзеянне і салідарнасць", у яе — звыш 52% адсоткаў галасоў.
Прэзідэнт Малдовы Майя Санду галасуе на датэрміновых выбарах у парламент. Кішынёў, 11 ліпеня 2021 года

Прэзідэнт Малдовы Майя Санду галасуе на датэрміновых выбарах у парламент. Кішынёў, 11 ліпеня 2021 года

Фота: Aurel Obreja / AP

Партыя ішла на выбары з абяцаннямі рэформаў на еўрапейскі ўзор і барацьбы з карупцыяй. Яе лідары заявілі, што атрымалі ад грамадзян мандат на пераўтварэнні.

"Людзі выйшлі і прагаласавалі ў надзеі, што заўтра ў іх будзе лепшая будучыня", — падвёў вынікі кіраўнік партыі Ігар Гросу.

На другім месцы па колькасці набраных галасоў (звыш 33%) — блок камуністаў і сацыялістаў. Яны стаяць на прарасійскіх пазіцыях, абяцаюць сярод іншага захаваць у краіне рускую мову ў якасці міжнацыянальнай.

"Нашы ўласныя падлікі супадаюць, так што так, блок камуністаў і сацыялістаў у выніку пакажа добры, нават вельмі добры вынік", — адзначыў у нядзелю ўвечары лідар малдоўскіх сацыялістаў Ігар Дадон.

Прэзідэнт Майя Санду вясной распусціла парламент, у якім пераважалі прыхільнікі яе па-прарасійску настроенага папярэдніка, і аб'явіла аб датэрміновых выбарах у надзеі атрымаць дэпутацкі корпус, які падтрымае яе рэформы.

euronews.com

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: