На Захадзе палічылі страты ад Крыма за пяць гадоў

Анексія Крыма аслабіла эканоміку Расіі. Краіна страціла каля 150 мільярдаў долараў пасля анексіі паўвострава.


За пяць гадоў пасля анексіі Крыма эканоміка Расіі страціла больш чым 10%, або 150 мільярдаў долараў, у параўнанні з 2013 годам. Пра гэта ў нядзелю, 17 сакавіка, паведаміла агенцтва Bloomberg cа спасылкай на даследаванне, апублікаванае брытанскім аналітыкам Скотам Джонсанам.

Аналітыкі Bloomberg адзначылі, што зніжэнне расійскай эканомікі звязана з падзеннем коштаў на нафту, але ў астатнім — гэта ўплыў санкцый і іншых фактараў.

Большая частка выдаткаў, панесеных Расіяй, паўстала з-за санкцый ЗША і ЕС, якія назапашваліся кожны год пасля анексіі, і пагоршыліся новымі абмежаваннямі, уведзенымі за меркаванае ўмяшанне ў выбары і іншыя дзеянні.

У артыкуле падкрэсліваецца, што санкцыі хутчэй за ўсё "не знікнуць у бліжэйшы час, а сцвярджэнні аб тым, што Расія ўмяшалася ў прэзідэнцкія выбары 2016 года ў ЗША, азначаюць, што сітуацыя толькі пагоршыцца".

З 2014 года колькасць расійскіх кампаній і прыватных асоб, на якіх распаўсюджваюцца меры ЗША, павялічылася ў чатыры разы і перавысіла 700. Пры гэтым высокая верагоднасць таго, што Вашынгтон увядзе ў дачыненні да Расіі новыя санкцыі ўжо ў гэтым годзе.

Паводле інфармацыі выдання, з моманту анексіі Крыма даходы расіян ледзь перавышалі 30 тысяч рублёў (460 долараў) на месяц. Разам з падзеннем коштаў на нафту гэта прывяло да рэцэсіі расійскай эканомікі.

Пры гэтым у Крыме даходы выраслі з 15 тысяч рублёў на месяц у 2015 годзе да 22 тысяч рублёў у 2018 годзе.

Bloomberg паказвае, што пасля пэўнага ўздыму ў 2017 годзе ў сувязі з надзеямі на тое, што прэзідэнт ЗША Дональд Трамп адменіць санкцыі, прамыя замежныя інвестыцыі скараціліся і нават сталі адмоўнымі ў другім квартале мінулага года.

Яшчэ 16 сакавіка Еўрасаюз, а затым ЗША і Канада пашырылі санкцыі супраць Расіі з-за інцыдэнту ў Керчанскім праліве.

Брусель увёў абмежаванні ў дачыненні да васьмі чалавек, Вашынгтон — шасці фізічных асоб і васьмі арганізацый, а Атава ўнесла ў "чорны спіс" 114 фізічных асоб і 15 расійскіх прадпрыемстваў.

Раней міністр фінансаў Расіі Антон Сілуанаў заявіў, што Расія падрыхтавала эканамічную аснову для адказу на магчымы новы пакет санкцый ЗША. Ён запэўніў, што "ніякіх дэфолтаў, ніякіх скарачэнняў бюджэту і секвестраў не прадугледжваецца".

Паводле korrespondent.net


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: