NATO рыхтуецца да магчымай другой хвалі пандэміі

Кіраўнік NATO Енс Столтэнберг паведаміў аб падрыхтоўцы рэсурсаў для хуткай транспарціроўкі медыцынскіх матэрыялаў і складоў з медыцынскім абсталяваннем.
Кіраўніцтва NATO прымае меры для падрыхтоўкі да новага абвастрэння пандэміі каронавіруса SARS-CoV-2. «NATO рыхтуецца да магчымай другой хвалі каронавіруса», — заявіў кіраўнік Паўночнаатлантычнага альянсу Енс Столтэнберг ў інтэрв'ю нямецкай газеце Welt am Sonntag, апублікаванам ў онлайн-версіі выдання ў суботу, 6 чэрвеня.

Паводле яго слоў, мэтай з'яўляюцца скаардынаваныя дзеянні ў барацьбе супраць новага віруса, які выклікае пнеўманію COVID-19. «Нам неабходна ўзгадніць наша планаванне такім чынам, каб мець магчымасць яшчэ лепш і хутчэй дапамагчы членам НАТО і краінам-партнёрам, цесна звязаным з альянсам», — адзначыў ён.

Транспарціроўка і склады для медыцынскага абсталявання


У прыватнасці, NATO плануе «падрыхтаваць дастатковыя рэсурсы для транспарціроўкі медыцынскіх матэрыялаў і стварыць склады для хуткага доступу да медыцынскага абсталявання», паведаміў далей Столтэнберг.

Ужо ў бліжэйшы час падрыхтоўка плана будзе завершана, у сярэдзіне чэрвеня ён будзе прадстаўлены на віртуальнай нарадзе міністраў абароны альянсу.

З пачатку пандэміі каронавіруса да сярэдзіны траўня сілы NATO здзейснілі больш за 100 аперацый па падтрымцы краін-членаў альянсу і яго партнёраў, піша Welt am Sonntag са спасылкай на дадзеныя ўрада ФРГ. Гаворка ідзе пра тэрміновую транспарціроўку медыцынскага персаналу і пацыентаў, палявых шпіталяў і сродкаў медыцынскай абароны.

dw.com

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: