Нават чыгунка: Люксембург стаў першай краінай з бясплатным грамадскім транспартам

Дзякуючы бясплатнай працы грамадскага транспарту ўлады Люксембурга хочуць разгрузіць дарогі ад аўтамабіляў. Выдаткі ў памеры 41 млн еўра будуць пакрытыя за кошт падатковых збораў.

У Люксембургу з суботы, 29 лютага, увесь грамадскі транспарт — цягнікі (за выключэннем праезду ў першым класе), аўтобусы (акрамя шэрагу начных рэйсаў) і трамваі — стаў бясплатным. Як растлумачылі ў міністэрстве ўстойлівага развіцця герцагства, у структуру якога ўваходзіць дэпартамент транспарту, падобныя меры раней прымаліся асобнымі гарадамі, але ўпершыню яны распаўсюдзіліся на ўсю тэрыторыю асобна ўзятай краіны.

Паводле задумы ўладаў гэты крок закліканы разгрузіць дарогі ад аўтамабіляў. Штодня каля 200 тысяч чалавек з Германіі, Францыі, Бельгіі ездзяць на працу ў Люксембург.


Адмена аплаты за кошт падаткаў


Перамены, якія ўлады назвалі «важнай сацыяльнай мерай», закрануць амаль 40 адсоткаў хатніх гаспадарак, удакладняе AFP. Забеспячэнне цалкам бясплатнага праезду запатрабуе дадатковых выдаткаў у памеры 41 млн еўра ў год, якія будуць атрыманы за кошт падатковых збораў.

Плошча Вялікага Герцагства Люксембург складае 2 590 квадратных кіламетраў, што ўсяго на 79 квадратных кіламетраў больш тэрыторыі Масквы. Насельніцтва краіны складае 607 тысяч чалавек.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: